"DEMOKRATİYA" ÇƏTİRİ ALTINDA GİZLƏNƏN SİYASƏTÇİLƏR DAHA TƏHLÜKƏLİDİRLƏR... - Qəvami Sadıqbəyli yazır
Osmanlı İmperiyası 1878-ci ildə 50 illik icarə müqaviləsi ilə KİPR adasını Böyük Britaniyaya vermişdi. İcarə müddətinin bitməsinə 8 il qalmış, 1920-ci ildə yunanlar İngiltərənin icazəsi olmadan KİPR adasını Yunanıstanın tabeçiliyinə keçirmək istədilər. İngiltərənin adadan çəkilməsindən sonra 1960-cı ildə beynəlxalq müqavilələr əsasında Kipr Respublikasının qurulmasına icazə verildi.
1960-cı ildə London-Sürix müqavilələrinə əsasən, KİPR müstəqil dövlət elan edildi. Müqaviləyə əsasən, KİPR adası Türk və Yunan icmaları üçün Kipr Respublikasının əsasını təşkil etdi. Lakin yunanlar türklərlə ortaq dövlətə razı olmadılar. Kiprin bütün idarəsini özləri ələ keçirmək istədilər. Beynəlxalq müqavilələri, konstitusiyanı pozdular. Türklərə hücum edərək , onlara qarşı soyqırım törətməyə başladılar.
20 iyul 1974-cü ildə Türkiyə Silahlı Qüvvələri Kiprdə başlatdığı "Atilla əməliyyatı" ilə KİPR adasına daxil oldu. Türkiyə hökuməti bu əməliyyatı Sürix və London müqaviləsinin 4-cü maddəsinə istinadən yerinə yetirmişdi.
Avropa Şurası Parlament Assambleyasının 29 iyul 1974-cü il tarixli 573 saylı və Afinadakı Apelyasiya Məhkəməsinin 21 mart 1979-cu il tarixli qərarında Türkiyənin müdaxiləsinin qanuni olduğu etiraf olunmuşdu. Təsdiqlənmiş beynəlxalq sənədlərə baxmayaraq, yunanlar bu reallıqla barışmaq istəmir və hər fürsətdə türklərə qarşı təxribatlar törədirdilər. Türkiyə Silahlı Qüvvələrinin adaya müdaxiləsi ilə Kipr ikiyə bölündü. "Atilla əməliyyatı"nda yüzlərlə türk əsgəri şəhid oldu. Hazırda adanın 37 faizi türklərin nəzarətindədir. Kipr türkləri Şimali Kipr Türk Respublikasında yaşayır.
Yunan Kipr Respublikasına isə ilk illərdə Ortodoks Kilsəsinin Arxiyepiskopu və Kipr Respublikasının ilk prezidenti lll Makarios rəhbərlik edib. Adadakı türklərin qətliamında bu adamların xüsusi “xidməti” olub.
İllər sonra İstanbul şəhərinin "Bəylikdüzü" adlı ucqar rayonunda “Kıbrıs Anıt” adlı bir abidə ucaldıldı. O zaman "Bəylikdüzü" Bələdiyyəsinin başçısı Əkrəm İmamoğlu idi. Qəribə və müammalı olaraq həmin abidədə türk qatili III Makariosun da şəkli yer almışdı. Abidənin açılışına CHP-nin sabiq başqanı Kamal Kılıçdaroğlu da qatılmışdı.
23 may 2017-ci ildə İstanbul "Ülkü Ocakları" abidənin sökükməsini tələb etdi. Abidədə yer alan türk qatili - Makariosun relyefdəki görüntüsü dağıdıldı.
Məlum olduğu kimi, Əkrəm İmamoğlu CHP-nın kadrıdır. O, Kamal Kılıçdaroğlu və CHP-nın indiki başqanı Özgür Özəl hərəkətlərində türklərə qarşı düşmənçilik edən yunanları, dinc insanların qatili - PKK-çı kürdləri və erməniləri müdafiə edirlər. Müasir texnologiya ilə silahlanmış Türkiyə Ordusu PKK-nı bitirir, bu adamlar isə terrorçuları yenidən diriltməyə çalışırlar.
Hazırda Türkiyənin istehsal etdiyi İHA, SİHA-lar dünyanın 50 ölkəsini hava hücumundan qoruyur.
CHP çətiri altında gizlənən Əkrəm İmamoğu, Kamal Kılıçdaroölu, Özgür Özəl və bu kimi adamların istəyi odur ki, Türkiyə texnologiyanı ABŞ-dan, Avropadan və digər xarici ölkələrdən alsın. Türklərin pulunu xaricilər yesin.
Əkrəm İmamoğlu İstanbul şəhər bələdiyyəsinin sədri seçiləndə Yunanıstan mediası (“Thema News ”) onu "İstanbulu fətheden yunan” adlandırmışdı. Digər bir yunan media orqanı isə Əkrəm İmamoğlunun İstanbul Bələdiyyısini qazanmasını “Ayasofyanın intiqamı”nın alındığı kimi ifadə etmişdi.
Müşahidələr göstərir ki, xarici dövlətlərdən ƏMR alan cəsuslar, xainlər və satqınlar "LİBERALİZM" , "DEMOKRATİYA" libasına bürünərək, əsil niyyətlərini həyata keçirməklə məşğuldurlar. Təssüf ki, belə "siyasətçilər" hər yerdə var.
Diqqətli və sayıq olmalıyıq.
Qəvami SADIQBƏYLİ