Ceyhun Bayramov İtaliyada “Qarabağ“ın matçını izlədi

Xarici işlər naziri Ceyhun Bayramov UEFA Çempionlar Liqasının V turu çərçivəsində keçirilən “Napoli”-"Qarabağ" matçını stadiondan izləyib.

Hurriyyet.az xəbər verir ki, bu barədə Qarabağ FK-nın sosial media hesabında məlumat yayıb.

Bayramov görüş başa çatdıqdan sonra klubumun rəhbərliyi, futbolçular və məşqçi heyəti ilə görüşüb.

“Görüş zamanı C.Bayramov komandanın son illərdəki inkişaf dinamikası xüsusi qeyd edib. Nazir vurğulayıb ki, əvvəlki illərdə güclü rəqiblərlə qarşılaşmalarda daha çox çətinliklərin yaşanması fonunda bu gün “Qarabağ” elə bir səviyyəyə yüksəlib ki, artıq ən nəhəng klublara qarşı belə oyunun nəticəsinə həssas yanaşılır. Ceyhun Bayramov komandanın nümayiş etdirdiyi iradəni və stabil performansı yüksək dəyərləndirib, uğurların davamlı olacağına inandığını bildirib və gələcək oyunlarda uğurlar arzulayıb".