Çavuşoğlu: “Can Azərbaycan hökumətinin və xalqının başı sağ olsun”

Hurriyyet.az xəbər verir ki, Türkiyənin Xarici İşlər naziri Mövlud Çavuşoğlu öz rəsmi “Tvitter” və “Feysbuk” səhifələrində bu gün Azərbaycan Dövlət Sərhəd Xidmətinin hərbi təyyarəsinin Xızı rayonunda keçirilən təlimlər zamanı qəzaya uğraması nəticəsində hərbçilərimizin həlak olması ilə bağlı başsağlığı verib, yaralılara şəfa diləyib.

Cavuşoğlu yazıb:  “Bu gün baş verən hərbi vertolyot qəzasında şəhid olan azərbaycanlı qardaşlarımıza Allahdan rəhmət, yaralılara tezliklə sağalmalarını arzulayıram. Qəhrəman Azərbaycan Silahlı Qüvvələri ilə Can Azərbaycan hökumətinin və xalqının başı sağ olsun”.

Hürr Tərcüman