BVF AB-nin tənqidindən sonra Rusiyadakı missiyasını bərpa etməyib

Beynəlxalq Valyuta Fondu işğalçı ilə əməkdaşlığın Kremlin təbliğatına kozır verəcəyini bildirən Avropa ölkələrinin müraciətindən sonra Rusiya hökuməti ilə məsləhətləşmələrin bərpasını təxirə salıb.

BVF missiyası gözlənildiyi kimi sentyabrın 16-da işə başlamayacaq. Bunu fondun Rusiyadan olan icraçı direktoru Aleksey Mojin TASS-a bildirib: “Fondun rəhbərliyi Rusiya tərəfini və direktorlar şurasını missiyanın işi haqqında xəbərdar edib. qeyri-müəyyən müddətə təxirə salınacaq. Missiyanın təxirə salınmasına səbəb kimi missiyanın məsləhətləşmələr aparmaq üçün texniki cəhətdən hazır olmaması göstərilib”.

Bu həftə başlamalı olan onlayn məsləhətləşmələrdən sonra fondun nümayəndə heyəti oktyabrın 1-də rəsmi şəxslərlə görüşlər üçün Moskvaya səfər etməyi planlaşdırıb. “Bloomberg” və “Politico” mənbələrinin məlumatına görə, fond üçüncü ölkədə üzbəüz məsləhətləşmələr aparmağı təklif edib, lakin sonda Rusiyaya səfərə razılaşıb.

BVF missiyası sonuncu dəfə illik səfərə 2019-cu ilin noyabrında Covid pandemiyasından əvvəl gəlmişdi. Fond daha sonra Vladimir Putinin Ukraynada müharibəyə başlamasından sonra əməkdaşlığı dayandırdı. BVF onu bərpa etmək qərarını Rusiyadakı iqtisadi vəziyyətin normallaşması və hər bir ölkədəki vəziyyəti “bütün üzvlərinin maraqları naminə” nəzərdən keçirməli olan “fondun institusional məsuliyyəti” ilə izah edib.

Ülviyyə, Hurriyyet.az