Bundan sonra da Azərbaycanın yanında olacağıq - Müdafiə naziri

Azərbaycan ilə Ermənistan arasında daimi sülhün bərqərar olması üçün yeni fürsət qapısı açılıb. Ermənistanın bunu anlayaraq şüurlu şəkildə hərəkət edəcəyinə ümidvarıq. İndiyə qədər etdiyimiz kimi, bundan sonra da “Bir millət, iki dövlət” anlayışı ilə Azərbaycanın yanında olacağıq. 

Hurriyyet.az xəbər verir ki, bu fikirləri Türkiyənin milli müdafiə naziri Yaşar Güler Türkiyə Böyük Millət Məclisində çıxışı zamanı bildirib. 

Türkiyədə aparılan antiterror əməliyyatlarına toxunan nazir bu ilin əvvəlindən ümumilikdə 1868 terrorçunun zərərsizləşdirildiyini bildirib. 

Nazir qeyd edib ki, 2015-ci il iyulun 24-dən indiyədək ölkə daxilində, İraq və Suriyanın şimalında keçirilən əməliyyatlarda ümumilikdə 39 min 211 terrorçu zərərsizləşdirilib. 

Y.Güler 2016-cı il iyulun 15-də ölkədə baş verən dövlət çevrilişinə cəhddən indiyədək FETÖ terror təşkilatı ilə əlaqəsi olduğu müəyyənləşdirilən 23 min 971 nəfərin Türkiyə Silahlı Qüvvələrindən xaric edildiyini vurğulayıb. 

yenisabah.az