"Bu, futbolçuların yox, mənim səhvimdir" - Şahin Diniyev

"Səbail”in baş məşqçisi Şahin Diniyev Misli Premyer Liqasının 8-ci turunda səfərdə “Araz-Naxçıvan”dan aldıqları 2:3 hesabı ilə məğlubiyyəti şərh edib.

Azərbaycanlı mütəxəssis matçın ardından təşkil edilən mətbuat konfransında belə danışıb:

"Deyiləsi çox şey yoxdur. "Araz-Naxçıvan"ı təbrik edirəm. Yaxşı komandaya qarşı oynadıq. Rəqib futbolçular fərdi baxımdan bizdən üstün idilər. Çox bəsit qollar buraxdıq. Bu gün autdan qol buraxırıq. Bu, ilk dəfə deyil. Top cərimə meydançamıza gələndə artıq qolun qoxusu gəlir. Sistemi dəyişmək də effekt vermir. 
Bir nöqtədən bu qədər qol buraxmaq olmaz. Özümü təmizə çıxarmaq üçün 100 dənə səbəb deyə bilərəm. Amma bunu edə bilmərəm. Məsuliyyəti mən daşıyıram. Məğlub olmuşuqsa, bu, futbolçuların yox, mənim səhvimdir". \\Fanat.Az