"Bu, bəhanə deyil,amma..." - Samir Abasov

Misli Premyer Liqasının 6-cı turunda "Şamaxı"nın qonağı olan "Sumqayıt"ın baş məşqçisi Samir Abasov 0:1 hesabı ilə uduzduqları oyundan sonra baş tutan mətbuat konfransında fikirlərini bölüşüb.

46 yaşlı mütəxəssis yenilgini belə şərh edib:

"Rəqibi təbrik edirəm. Erkən qol buraxdıq. Uşaqlar sanki birdən ayıldılar. Sonradan qol vura bilmədik. Bu, bəhanə deyil. Amma oyunçu problemlərimiz var. Yeni futbolçularımız hələ formaya düşməyiblər. Bu gün biz balanslı komanda deyilik. Fiziki baxımdan disbalans var. İnanıram ki, düzələcək. Daha yaxşı "Sumqayıt" görəcəyimizə ümid edirəm.

Mühafizə xidmətimizin rəisi azarkeşləri təhqir edirdi? Görməmişəm. Söhbətdən xəbərim yoxdu. Dava-dalaş çıxış yolu deyil. Hamımız təmkinli olmalıyıq". \\Fanat.Az