BMT Şurasında Rusiyanın yerini Çexiya tutdu

2022-05-10 20:40:00

BMT Şurasında Rusiyanın yerini Çexiya tutdu

Hurriyyet.az “Ukrainskaya Pravda” nəşrinə istinadla xəbər verir ki, Çexiya rəsmən BMT-nin İnsan Hüquqları Şurasının üzvü seçilib.

BMT-nin Baş Assambleyası Ukraynadakı müharibə səbəbindən Şuradan çıxarılmış Rusiyanın yerinə Çexiyanın namizədliyini dəstəkləyib.

İnsan Hüquqları Şurasının mətbuat xidmətinin verdiyi xəbərə görə, Rusiya 2022-ci ilin aprelində Şuranı tərk edib. Çexiya Respublikası 2023-cü ilin 31dekabr tarixinə qədər bu yerə seçilib.

Çexiyanın Xarici İşlər Nazirliyi ölkənin bu imkandan insan hüquqlarının müdafiəsi naminə fəaliyyət üçün istifadə edəcəyini bəyan edib.

Xatırladaq ki, aprelin 7-də BMT-nin Baş Assambleyası Rusiya Federasiyasının İnsan Hüquqları Şurasının üzvlüyünün dondurulması barəsində qətnamə qəbul edib. Bu, İnsan Hüquqları Şurasında mümkün olan maksimal cəzalandırma dərəcəsidir – dövləti Şuradan çıxarmaq qeyri-mümkündür. Lakin bu qətnamə nəticəsində Rusiya Federasiyası Şura üzvlərinin malik olduqları bütün prosedur hüquqlarından məhrum olub. Səsvermə zamanı heç bir Avropa ölkəsi Rusiyanı dəstəkləməyib.

Bunun ardından Rusiya özü BMT-nin İnsan Hüquqları Şurasını “könüllü şəkildə” tərk elədiyini bəyan edib.

Ardından Çexiya öz namizədliyini irəli sürərək Şurada Rusiyanı əvəz eləmək istəyini bildirib.

Hürr Tərcüman


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya