“BİNƏ” TİCARƏT MƏRKƏZİNİN RƏHBƏRİ HAQDA ŞOK FAKTLAR - Kəbirə Məmmədova korrupsiya, rüşvətxorluq və dələduzluqda ittiham olunur

2022-06-14 14:29:00

“BİNƏ” TİCARƏT MƏRKƏZİNİN RƏHBƏRİ HAQDA ŞOK FAKTLAR - Kəbirə Məmmədova korrupsiya, rüşvətxorluq və dələduzluqda ittiham olunur

Bakı şəhəri, Nizami küçəsi 53, mənzil 41-də yaşayan Abdullayev Böyükağa Abdulla oğlu tərəfindən “Hürriyyət”in redaksiyasına növbəti şikayət məktubu daxil olub. Prezident İlham Əliyevə, Birinci vitse-prezident Mehriban Əliyevaya müraciət edən B.Abdullayev “Binə” Ticarət Mərkəzinin rəhbəri Kəbirə Məmmədovadan şikayət edir:

“Kəbirə Məmmədova tərəfindən aldadılmış, son qəpiyinə kimi çörəkpulu əlindən alınmış, 10 minlərlə insandan biri də mənəm. Amma biləsiniz ki, mən aldadılmış ali təhsillilərdənəm. Balalarımın gələcəkdə dolanışıq yeri olsun deyə, K.Məmmədovaya 80 min ABŞ dolları  verib dükan aldım. Məqsədim icarəyə verərək, cörəkpulu qazanmaq olub.

Kəbirə Məmmədovadan 80 min ABŞ dollarının əvəzində, bir vərəqdə cızma-qara yazılmış, möhürlənmiş müqavilə almışam. K.Məmmədova müqavilənin üzərində hər aldığı pulun qeydiyyatını aparmaqla, onu imzalamışdır.

Çox təəssüflər olsun ki, qabqcadan pulunu almasına, insanları şirnikləşdirərək vədlər verməsinə baxmayaraq,  o gündən indiyədə nə dükan işləmir, nə də pulumuzu ala bilirik.

Bəs, Kəbirə Məmmədova kimdir ki, 10 minlərlə insanı aldadaraq pullarını əllərindən alsa da, heç kim ona “gözünün üstündə qaşın var” demir?! Ola bilərmi ki, aidiyyəti dövlət qurumları K.Məmmədovanın bu kimi qanunsuz əməllərindən  xəbərsiz olsun? Əgər xəbərləri varsa, bəs nəyə görə barəsində tədbir görülmür? Nəyə görə, bu günə kimi məsuliyyətə cəlb edilməmişdir? Axı, Kəbrə Məmmədova kimdir ki, quldur qoçularının, cangüdənlərinin sayı Prezidentin, Birinci vitse-prezidentin mühafizəçilərinin sayından çoxdur?! Kəbirə Məmmədovanın qəbuluna düşüb, ondan pulunu istəyəndə hərdən adama elə gəlir ki, hansısa quldur dəstəsi tərəfindən mühasirəyə düşmüsən! Qısa müddətdə onun cangüdənlərindən - quldur-qoçu dəstəsindən canını qurtarmağa çalışırsan. Görəsən, aidiyyəti dövlət qurumları rəhbərlərinin K.Məmmədovanın bu kimi qanunsuz  əməllərindən, ətrafındakı narkoman, quldur-qoçu dəstəsindən xəbərsizdirlər?! Onun quldur-qoçu dəstələri, cangüdənləri hansı haqla dövlətimizin Konstitusiyasını və onun bazasında yaradılmış “qılıncdan iti” qanunlarımızı saya salmır, ayaqları altında tapdalayırlar?! Kəbirə Məmmədova bilmir ki, qanunu bilən, dövləti, dövlətçiliyi dəstəkləyən, haqqın yolunda olan insanları onun quldur-qoçu dəstəsi qorxuda bilməyəcəkdir!

Kəbirə Məmmədova toxunulmazdır?” – Aldadılan sahibkar Usubov və Qaralova  müraciət etdi » Teref.az

Cənab Prezident!

Hörmətli Mehriban xanım!

Kəbirə Məmmədova haqqında Sizin diqqətinizə çatdıracağım faktlar çoxdur. Hələlik, bir məsələni xüsusilə qeyd etmək istəyirəm. K.Məmmədovanın pul verib mətbuat orqanlarında özünün barəsində yazdırdığı yazılarla tanış oldum. İstənilən vətəndaş da həmin yazılarla tanış ola bilər. Hansı ki, bu yazılarda Kəbirə Məmmədovanın şəninə təriflər söylənilir.

Elə təriflər yağdırılır ki, hərdən adam elə gəlir, elə bil  44 günlük müharibədə qələbəni Ali Baş komandan və Azərbaycan ordusu yox, Kəbirə Məmmədova qazanmışdır! Bu yazıları oxuyandan adam mat-məəttəl qalır. Axı, aidiyyəti qurumlar soruşmurlar ki, “Kəbrə Məmmədova, sənə tapşırılan hansı vəzifədir ki, onun öhdəsindən layiqincə gəldiyini deyir, özünü tərif etdirirsən?!” Soruşan yoxdur ki, axı, sən nə işlə məşğul olursan ki, özünü xeyirxah, ziyalı, yaradıcı, dövlət səviyyəli şəxslərin səviyyəsində, onlara bərabər, hətta onlardan da yüksəklərdə tutursan?!

Çox təəssüflər olsun ki, Kəbirə Məmmədova şəninə tərif yazdırmaqdan başqa, “Binə” Ticarət Mərkəzində kiçik sahibkarlıq fəaliyyəti ilə məşğul olan 10 minlərlə insanın dövlətə vergi verməsini yox, onları necə aldatmaq yolları barədə düşünür. Hər halda, aidiyyəti qurumların bu haqda dəlillər əldə etməsi üçün “Binə” Ticarət Mərkəzində cəmi bir neçə saatlıq araşdırma aparmaları yetərli olar. Biz də, öz növbəmizdə bu haqda daha ətraflı məlumat verməyə çalışacağıq”.

Hazırladı: KƏNAN

ANONS.

1.Kəbirə Məmmədova ildə vergidən neçə milyon və hansı yollarla yayındırır?

2. Kəbirə Məmmədova dövlətimizin beynəlxalq  nüfuzunu necə zərbə altında qoyur?

3. “Binə” Ticarət Mərkəzində daha hansı qanunsuzluqlar mövcuddur?

5. Kəbrə Məmmədovanın himayədarları kimlərdir?


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya