Benzinin qiyməti kəskin şəkildə düşüb....

Hurriyyet.az xəbər verir ki, Sankt-Peterburq Birjasının məlumatlarına görə, Rusiyada avtomobil benzininin əsas növləri son bir həftə ərzində əhəmiyyətli dərəcədə ucuzlaşıb.

19 dekabr cümə günü keçirilən ticarət əməliyyatları zamanı Aİ-92-nin topdansatış qiyməti ton üçün 53.049 rubla düşüb. Moskva vaxtı ilə saat 14:35-ə qədər əvvəlki ticarət sessiyasının bağlanışından azalma 1,5 faiz təşkil edib. Bu arada, premium Aİ-95 həmin vaxta qədər 61.027 rubla düşüb (2,31 faiz azalma). Müqayisə üçün, 5 dekabrda Rusiyada Aİ-92-nin qiyməti ton üçün 56.759 rubl, Aİ-95 isə 67.538 rubl olub. Beləliklə, son iki həftə ərzində Aİ-92 təxminən 3.700 rubl, Aİ-95 isə 6.500 rubla düşüb.

Baş nazirin müavini Aleksandr Novak daxili bazarda əsas benzin növlərinin qiymətinin əhəmiyyətli dərəcədə aşağı düşməsini əsasən tələbatın mövsümi azalması ilə əlaqələndirdi. Əlavə amillərə Ukraynanın pilotsuz təyyarələrinin hücumları nəticəsində zədələnmiş bir neçə iri neft emalı zavodunda təmir işlərinin başa çatması, eləcə də Belarus yanacaq birjasında Belarus yanacağının satışının əhəmiyyətli dərəcədə artması daxildir. Qiymətlərin tədricən sabitləşməsinə baxmayaraq, ekspertlər xəbərdarlıq edirlər ki, böhranın öhdəsindən gəlmək barədə danışmaq hələ tezdir - Rusiya neft emalı zavodlarına pilotsuz təyyarələrin təhdidi hələ də qalmaqdadır.

NURAY