Belarus şəkərin bir kiloqramının satış qiymətini 60 qəpik artırır

2022-04-15 20:16:00

Belarus şəkərin bir kiloqramının satış qiymətini 60 qəpik artırır

Belarusun şəkər istehsalçıları bu məhsulun Rusiyaya kütləvi daşınmasının mümkünlüyü səbəbindən 2016-cı ildən bəri dəyişməyən satış qiymətlərini artıracaq.

Bu barədə Belarusun “Belqospişeprom” konserninin məlumatında deyilir.

“Satış qiymətində cari dəyişiklik mövcud bazar konyukturu nəzərə alınmaqla görülən qabaqlayıcı tədbirdir. Rusiya ilə ikiqat qiymət fərqi fonunda şəkərin Belarusdan kənara kütləvi daşınmasının mümkünlüyü proqnozlaşdırılır”, - deyə konsernin sədri Oleq Jidkov bildirilib. Onun sözlərinə görə, konsernin əsas vəzifəsi ilk növbədə daxili bazarı ərzaqla təmin etməkdir: “Buna görə də biz bu gün daxili bazarı qorumaq üçün tədbirlər görməyə və məhsulun bir kiloqramının satış qiymətini 60 qəpik artırmağa məcburuq”.

Hazırda Belarusda dörd şəkər müəssisəsi fəaliyyət göstərir. Onların ümumi istehsalı təxminən gündə 4,8 min ton təşkil edir. Ölkənin pərakəndə ticarət şəbəkəsində bir kiloqram şəkər-qənd 1,77 Belarus rubluna satılır ki, bu da təxminən 50 rus rubluna ekvivalentdir. \\AZƏRTAC 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya