Belarus müharibəyə qoşulacaq?

Hurriyyet.az xəbər verir ki, Belarus Prezidenti Aleksandr Lukaşenko ölkəsinin öz müdafiə qabiliyyətini gücləndirməli və mümkün müharibə ehtimalına hazırlaşmalı olduğunu bildirib. Lukaşenko bu sözləri Obuz-Lesnovski hərbi poliqonunda keçirilən iclasda söyləyib.
Lukaşenko deyib: "Bu köhnə formuldur: sülh istəyirsənsə, müharibəyə hazırlaş. Bir daha vurğulamaq istəyirəm ki (hərçənd, kiminsə qarşısında özümüzü doğrultmağa çalışmalı deyilik), biz müharibəyə hazırlaşmırıq, müharibə istəmirik... Bütün bunlar artıq deyilib. Düşmənlərimiz, rəqiblərimiz bunu eşitsələr də, öz işlərindən qalmırlar. Düzünü desək, bizə qarşı hazırlıq görənlərlə döyüşəcəyik. Ona görə də müharibəyə hazırlaşmalıyıq. Allah eləsin, müharibə olmasın".
Lukaşenko hələlik, Belarusa qarşı müharibə tendensiyasının görünməməsinə baxmayaraq, vəziyyətin gərgin olaraq qaldığını bildirib.
Hürr Tərcüman