Bazarda qurbanlıqların qiyməti neçəyədir?

Qurban bayramı ilə bağlı ət bazarında və diri heyvan satışında xüsusi bahalıq müşahidə olunmur.

Hurriyyet.az xəbər verir ki, bu barədə Axar.az-a ət satışı ilə məşğul olan şəxslər bildirib.

Onların sözlərinə görə, qurbanlıq xırdabuynuzlu heyvanların diri çəkisi 9-10 manatdan, ət isə 19-20 manatdan təklif edilir ki, bu da bayramaqədərki qiymətlə eynidir.

Satıcı Ağakişi Hüseynov deyib ki, bu il alıcı da çox deyil:

“Qurbanlıq heyvanı adətən diri almaq istədikləri üçün diri çəkidən də təklif edirik – kilosu 9-10 manat arası. Bir normal qurbanlıq təxminən 250-300 manat arasındadır. Əlbəttə ki, çəkisi artdıqca qiymət də qalxır, ancaq çəkisi çox olan qoyunlar kilo baxımından daha ucuz düşür”.

Qeyd edək ki, 6 və 7 iyun Qurban bayramı qeyd ediləcək.