Saat:19:26
Haqqımızda

Bakı metrosunun 3 stansiyasında iş vaxtı dəyişdirilir

2023-02-14 14:49:00

Bakı metrosunun 3 stansiyasında iş vaxtı dəyişdirilir

“Qarabağ” Futbol Klubunun UEFA Konfrans Liqası turniri çərçivəsində fevralın 16-da “Gənclik” stansiyası yaxınlığında yerləşən Tofiq Bəhramov adına stadionda keçirəcəyi oyunla əlaqədar Bakı metropoliteninin 3 stansiyası gücləndirilmiş və dəyişdirilmiş iş rejimində çalışacaq.

Bu barədə “Bakı Metropoliteni” QSC-nin Mətbuat xidmətindən məlumat verilib.

Bildirilib ki, Azərbaycan Futbol Federasiyaları Assosiasiyasının (AFFA) müraciətinə əsasən, matçın gec başa çatacağı ilə əlaqədar metropolitenin “Gənclik”, “Nərimanov” və “28 May” stansiyalarında iş vaxtı 1 saat uzadılacaq: “Stadionun yaxınlığında yerləşən “Gənclik” stansiyasında “Bakı Metropoliteni” QSC-nin müvafiq əməliyyat planına uyğun olaraq, nəzarət mexanizmləri gücləndiriləcək və əlavə işçi qüvvəsi ayrılmaqla növbətçilik cədvəli tərtib olunacaq. “Nərimanov” və “28 May” stansiyalarında da ehtiyat tədbirləri görüləcək. Zərurət yaranacağı təqdirdə ehtiyat qatarlar xəttə buraxılmaq üçün hazır vəziyyətdə saxlanılacaq”.

sfera.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR