Bakı metrosunda faciəvi hadisə

“Bakı Metropoliteni” QSC-nin maşinisti qəfil vəfat edib.

Hurriyyet.az-ın əldə etdiyi məlumata görə, yanvarın 22-si saat 03:00 radələrində QSC-də motovoz maşinisti işləyən 1958-ci il təvəllüdlü Kərimli Aydın Yusif oğlu “Avtovağzal metrostansiyası”nın 98-ci piketində 12327 nömrəli təsərrüfat qatarını idarə edən zaman qəfildən halı pisləşib. O, sükan arxasında dünyasını dəyişib.

Hadisə nəticəsində qatarın hərəkətində hər hansı problem yaranmayıb.

Faktla bağlı araşdırma aparılır.

qafqazinfo.az