Saat:04:10
Haqqımızda

Bakı məktəbində saxta attestatlar verilir? - 3 nömrəli məktəb haqqında İDDİA

2022-05-21 23:55:00

Bakı məktəbində saxta attestatlar verilir? - 3 nömrəli məktəb haqqında İDDİA

“Son dövrlər bəzi təhsil müəssisələrində şagirdlərə saxta attestatlar verilməsi bağlı məlumatlar yayılmaqdadır. Azərbaycan təhsil sistemində bu sahədə elektron baza yaradıldığı üçün saxta yollarla attestat alanlar, təhsillərini başqa dövlətlərdə davam etdirirlər”.

Bu barədə AMİP sədrinin müavini Afsəddin Nəbiyev tərəfindən sosial şəbəkədə paylaşılıb.

Paylaşımda qeyd olunub ki, yeni tətbiq olunan sistemdə yoxlama mexanizmi ilə saxta sənədləri dərhal aşkar etmək mümkündür:

“Nazirlər Kabinetinin 24 noyabr 2014 – cü il tarixli 479 N-li qərarına görə təhsilalanların yekun attestasiyası və qiymətləndirilməsi Dövlət İmtahan Mərkəzi tərəfindən aparıldığından yekun qiymətlər DİM tərəfindən yerli təhsil idarəetmə orqanlarına göndərilir. Bütün bunlara baxmayaraq rüşvət müqabilində neqativ hallara hələ də rast gəlməkdəyik. Belə ki, yerli təşkilatımızın üzvü, saxta attestatın Binəqədi rayon orta məktəbində məktəb direktoru tərəfindən verildiyini və bu barədə Binəqədi Rayon Prokurorluğunun araşdırma aparıldığını söyləyib. Məlumata görə, Almaz Həsrət adlı məktəb direktoru 2020-ci ilin sentyabr ayında Bakı şəhəri R.Əliyev adına 3 nömrəli tam orta məktəbə direktor təyin olunub. 2021-ci il tarixdə iki məzuna saxta attestat verilib. Attestatı alan sənəd verərkən eyni nömrəli attestat iki məzunda aşkarlanıb. Məlum olub ki, R.Əliyev adına 3 nömrəli tam orta məktəbdən verilən attestat saxtadır”.

Yazını paylaşan şəxsin iddialarına görə, attestatda Almaz Həsrət İsrayıl qızı, direktor müavinləri Əliyeva Təranə və Orucova İlahənin imzaları var:

“Hal-harırda Binəqədi prokurorluğunda araşdırma aparılır. Direktor izi itirmək üçün attestatın tarixini 2019-cu il yazıb. Məsələ burasındadır ki, İlahə Orucova 2021-ci ildə məktəbə müavin təyin olunub. Təbii ki, bu məlumatlar prokurorluq orqanları tərəfindən araşdırılacaq”.

Qeyd edək ki, “Tehsil.biz” saytı tərəfindən məsələ ilə bağlı Təhsil Nazirliyinə, Bakı Şəhəri üzrə Təhsil İdarəsinə və Bakı şəhəri R.Əliyev adına 3 nömrəli tam orta məktəbə sorğu ünvanlanıb.\\Konkret.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR