Saat:10:42
Haqqımızda

“AzTV yalnız YAP-çı deputatların çıxışlarını verir“ - Millət vəkilindən etiraz

2021-10-16 12:08:00

“AzTV yalnız YAP-çı deputatların çıxışlarını verir“ - Millət vəkilindən etiraz

Milli məclisin deputatı Fazil Mustafa televiziyaların fəaliyyətini sərt tənqid edib.

Hurriyyet.az-ın məlumatına görə, F. Mustafa bildirib ki, efirlərdə daha çox YAP-dan olan deputatların çıxışlarına yer verilir:

“”AzTV xəbər”in Milli Məclisin bugünkü iclasında hazırlanan reportajına baxıram. Müzakirə olunan məsələlərin ardıcıllığı pozulub. Hamımızın şəklini göstərirlər. Çıxışçıların isə hamısı Yeni Azərbaycan Partiyasından olan deputatlardır. Digər partiya təmsilçilərinin bircə çıxışını da vermirlər. Hətta müstəqil deputatların da çıxışını nümunə üçün göstərmirlər. "İTV Xəbər"lərdə də daha qısa süjet hazırlanıb və əhəmiyyətli çıxışlardan heç biri yox. Bir yandan da siyasi partiyalar yığışıb Şuşaya gedirik ki, ölkədə siyasi mədəniyyətin inkişafını camaata göstərək. Ölkə Prezidenti siyasi partiyaların rolunu qaldırmağa, siyasi plüralizmin inkişafına çağırış edir, televiziya dəyirmanı da öz ənənəvi dənini üyüdür. Sanki bilərəkdən parlamentin nüfuzunu aşağı salmağa çalışırlar. Demək istəyirlər ki, burada hansısa ciddi məsələ müzakirə olunmur. Halbuki buradakı müzakirələri nümayiş etdirmək həm dövlətin, həm də xalqın marağına uyğundur”.

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR