Saat:12:03
Haqqımızda

“Azərbaycanda olan din islam dini deyil” — AÇIQLAMA

2022-01-15 19:55:00

“Azərbaycanda olan din islam dini deyil” — AÇIQLAMA

Tanınmış ictimai xadim, Tibb Universitetinin dosenti Rəşid Mahmudov Şəmkirin keçmiş icra başçısı Alimpaşa Məmmədovun təcridxanada namaz qılmasına münasibət bildirib. O, Demokrat.az-a açıqlamasında bildirib ki, vaxtında xalqa qan udduranlar indi təcridxanada başa düşürlər ki, çox kobud səhv ediblər:

“Hesab edirəm ki, həbsxanada olan keçmiş icra başçıları dinə keçirlərsə, demək ki, səhvlərini başa düşürlər. Onlar dinə, inama gələrək, qələt etdiklərini, başlarını yekə daşa döydüklərini anlayırlar. İcra başçısı təcridxanada neyləsin? Yəqin ki, vaxtı çoxdur. Ümumiyyətlə, din mənim üçün paklıq, saflıq, əqidə, vicdan, həqiqət, düzgünlükdür. Din sənə oğurluq eləmə deyir. Deyir ki, başqasına sataşma, əclaflıq eləmə, satqınlıq eləmə. Bundan gözəl nə var ki? Dinə gəlibsə, bunu yaxşı qiymətləndirə bilərik. Demək ki, anlayır ki, başını daşın yekəsinə döyüb. Yəqin ki, yenidən onları vəzifəyə qoysalar, yenidən bu əməlləri törədərlər. Təbii ki, heç kim onları yenidən vəzifəyə də qoyan deyil. Əgər dini düzgün qəbul edib getsələr o yolla, yəqin ki, bu əməllərini birdə təkrarlamazlar. Birdəfəlik dinə keçən adamlar, inanmıram ki, hansısa işdə yenidən rüşvət alsınlar və ya pis yolla getsinlər”.

R.Mahmudov qeyd edib ki, ümumiyyətlə, Azərbaycanda olan din islam dini deyil və onları insanlara sırıyırlar: “Hər zaman demişəm ki, Azərbaycanda gözəl məktəblər tikilir, amma təhsil yox. Məscid var, din yox. Azərbaycanımızda olan din də islam dini deyil, din tamamilə başqa bir şeydir. Bunlar əldəqayırma dinlərdir. 66 mindən çox yalançı hədislərimiz var, onların hamısını bizə sırıyırlar. Bilirsiniz ki, Azərbaycanda etnik qruplar çoxdur, burada yəhudi, türk, kürd və s. yaşayır. Dinlə bu millətlərin hamısını birləşdirə bilərik. Din mənim üçün başqa bir şeydir, yəni yuxarı da qeyd etdiklərimdir. Ancaq namaz qıl, “Quran” oxu bunların hamısı xürafatdır”.

Aynurə Pənahqızı
 

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR