Avropalılar ABŞ-ın Çin və Rusiya ilə yeni soyuq müharibə vəziyyətində olduğunu düşünür...

Avropalıların əksəriyyəti ABŞ ilə onun əsas geosiyasi rəqibləri Çin və Rusiya arasında yeni soyuq müharibənin getdiyini hesab edir, lakin çox az adam öz ölkəsinin analoji qarşıdurmada iştirak etdiyinə inanır.

Hurriyyet.az Moderator.az- istinadən xəbər verir ki, bu barədə “The Guardian” nəşri 12 Avropa İttifaqi ölkəsi arasında keçirdiyi sorguya istinadən məlumat verir.

Respondentlərin 62% -i ABŞ və Çin arasında yeni soyuq müharibə getdiyini, 59% -i isə ABŞ və Rusiya arasında analoji təfriqə  oldugunu söyləyiblər. Avropalıların yalnız 15% -i öz ölkələrinin Çinlə, 25%-i isə Rusiya ilə soyuq müharibə vəziyyətində olduğunu düşünür. Xüsusilə Macarıstanda 91%, Bolqarıstanda 80%, Portuqaliyada 79% və Avstriyada 78% respondent münaqişə görmədiklərini bildiriblər.

Bununla bərabər Avropa beynəlxalq əlaqələr şurasının sorğu əsasında apardığı araşdırma avropalıların əksəriyyətinin Brüsseldəki Aİ rəhbərliyini yeni beynəlxalq münaqişənin tərəfdaşı hesab etdiyini göstərib. Respondentlərin 31% -i Brüssel və Pekin arasında yeni soyuq müharibə haqqında danışıla biləcəyini söyləyib, 44% -i isə Brüssel ilə Moskva arasında analoji qarşıdurma gördüklərini etiraf ediblər.

AUKUS ittifaqı ilə bağlı fikir ayrılıqları və Qərb ittifaqında gedən parçalanma söhbəti fonunda aparılan sorğunun nəticələri Avropa və ABŞ ictimai rəyi arasında uçurumun artması təhlükəsini bir daha sübut edir.

Bundan əlavə, şurada qeyd ediblər ki, sorğuya verilən cavablar Brüssel və Aİ-yə üzv ölkələrin siyasi ambisiyaları arasında “boşluq” olduğunu və bunun Çin və ya Rusiya ilə gərginliyin artması fonunda Avropanın təsir imkanlarına xələl gətirə biləcəyini göstərir.

“Avropa ictimaiyyəti yeni soyuq müharibənin getdiyinə inanır, ancaq bununla heç bir əlaqəsi olmasını istəmir”, - deyə “The Guardian” Avropa beynəlxalq əlaqələr şurasının direktoru Mark Leonardın sözlərindən sitat gətirir.

Eyni zamanda, şura hesab edir ki, avropalılar Çin və Rusiyaya qarşı “nəhayət ortaq bir Avropa xarici siyasətini tanıya” və öz milli hökumətlərini deyil, Brüsseli “maraqlarını və dəyərlərini qorumaq üçün ən yaxşı yer” hesab edə bilərlər.

Buna baxmayaraq, Brüsselin mövqeyinin Avropa rəyi ilə ziddiyyət təşkil etdiyini, soyuq müharibənin seçiciləri cəlb etmək əvəzinə uzaqlaşdıracağını ehtimal edirlər. Leonardın fikrincə, siyasətçilər güclü Atlantik ittifaqı yaratmaq üçün yeni arqumentlərlə çıxış etməli olacaqlar. Bunun üçün artıq Rusiya və Çinlə olan gərginliyə arxalana bilməzlər, əksinə, Avropa maraqlarından çıxış edərək öz mövqelərini əsaslandırmalıdılar.