Aİ və Böyük Britaniya İranın Rusiya ilə bağlı problemlərini artırır

Avropa İttifaqı və Böyük Britaniya bazar ertəsi Tehranın Ukraynaya qarşı müharibədə Rusiyaya yardımı ilə əlaqədar İrana qarşı sanksiyaların genişləndirildiyini açıqlayıb. Avropa Komissiyası bildirib ki, sanksiyalar siyahısına İran gəmiçilik şirkəti və onun direktoru, həmçinin Xəzər dənizindəki ticarət gəmiləri və limanları daxildir.

Sanksiya siyahısına yükdaşıma ilə məşğul olan Həştərxandan olan 3 Rusiya şirkəti də daxildir. Onların İran silahlarının, xüsusilə pilotsuz təyyarələrin və onların komponentlərinin Xəzər dənizi vasitəsilə İrandan Rusiyaya daşınmasında iştirak etdikləri iddia edilir.

Böyük Britaniya öz növbəsində İranın dövlət hava yolu şirkəti "Iran Air", dövlət gəmiçilik şirkəti və Rusiyanın "Port Olya-3" gəmisinə qarşı sanksiyalar tətbiq edib.

Ülviyyə, Hurriyyet.az