Saat:19:05
Haqqımızda

AFFA-nın yeni prezidentindən ilk açıqlama

2024-04-02 12:55:06

AFFA-nın yeni prezidentindən ilk açıqlama

Hamının çiyin-çiyinə, əl-ələ verib Azərbaycan futbolunun inkişafı üçün işləməsi zəruridir. İlk olaraq hədəfləri müəyyənləşdirməliyik.

Hurriyyet.az Report-a istinadən xəbər verir ki, bunu AFFA-nın yeni prezidenti Rövşən Nəcəf qurumun növbəti konfransında deyib.

O, qarşıda duran hədəflərdən bəhs edib:

"Mənə göstərilən etimada görə təşəkkürümü bildirirəm. Möhtərəm Prezidentimiz İlham Əliyevin diqqət və qayğısı sayəsində Azərbaycan idmanı inkişaf edir. Bu baxımdan futbol da inkişafdadır. Hər an bilməliyik ki, doğru yoldayıqmı, hədəfə çata biləcəyikmi".

Funksioner uşaq futbolunun inkişafına xüsusi önəm veriləcəyini söyləyib:

"Bundan başqa, azarkeşlərlə də işləməliyik. Avropada gördüyümüz azarkeş marağını Azərbaycan çempionatının matçlarında da müşahidə etmək üçün çalışmalıyıq. Eyni zamanda teleyayımın keyfiyyətinin artırılması üçün müəyyən tədbirlər görməyi vacib bilirik".

Rövşən Nəcəf qadın futbolunda da uğurlu çıxışın davamı üçün hər cür dəstək nümayiş etdiriləcəyini sözlərinə əlavə edib:

"Bütün bunlar bir günün işi deyil. Necə ki, klub səviyyəsində uğurlar zamanla, zəhmətlə əldə edildi. Milli komandamız FİFA reytinqində layiqli yerdə deyil. Zamanla bunun da düzələcəyinə inanırıq".

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR