ABŞ Zelenskinin Rusiya ilə müharibəyə son qoymaq üçün təklif etdiyi planla tanış olub

ABŞ prezident administrasiyası Ukrayna prezidenti Zelenskinin Rusiya Federasiyası ilə müharibəyə son qoymaq üçün təklif etdiyi planla tanış olub. Bunu ABŞ-ın BMT-dəki səfiri Qrinfild deyib. Onun sözlərinə görə, administrasiya planı işə yarayan hesab edib. 

Avqustun 27-də Zelenski Rusiya-Ukrayna müharibəsinə son qoymaq planını Baydenə, həmçinin Tramp və Harrisə təqdim etmək niyyətində olduğunu açıqlayıb. O qeyd edib ki, planda Ukrayna Silahlı Qüvvələrinin Kursk vilayətinə yerləşdirilməsi ilə yanaşı, iqtisadi və diplomatik cəbhədə də əlavə addımlar nəzərdə tutulub. Sentyabrın 15-də “Bild” qəzeti yazıb ki, plan münaqişənin müvəqqəti dondurulması ilə bağlı razılaşmanı nəzərdə tutur, bundan sonra Ukrayna tərəfi bu məlumatı təkzib edib.

Ülviyyə, Hurriyyet.az