ABŞ Yəməndə hökumət binalarını bombaladı - Açıqlama

Hurriyyet.az TASS informasiya agentliyinə istinadla xəbər verir ki, ABŞ Hava Qüvvələri Yəməndə husilərin hökumət kompleksinə zərbələr endiriblər.
"Ənsərallah" hərəkatının (husilər) istifadə etdiyi hökumət kompleksi Yəmənin şimal-qərbindəki Əl Cauf vilayətində yerləşir.
Bu barədə Yəməndə hakimiyyətdə olan husilərin Səhiyyə Nazirliyinin təmsilçisi Anis əl Əshabi məlumat verib.
Əl Əshabi X səhifəsində yazıb: "Düşmən Amerika Əl Cauf vilayətinin Əl Həzm rayonunda yerləşən hökumət kompleksinin binasına dörd zərbə endirib". O, hücum nəticəsində zərərçəkənlərin olub-olmadığı barəsində məlumat verməyib.
Hürr Tərcüman