ABŞ-ın Ukraynadakı səfirliyi Simonyanı “güzgüdəki heyvan” adlandırdı

2022-04-18 22:08:00

ABŞ-ın Ukraynadakı səfirliyi Simonyanı “güzgüdəki heyvan” adlandırdı

Meymun baxar güzgüyə, adını qoyar özgəyə 

Hurriyyet.az xəbər verir ki, ABŞ-ın Ukraynadakı səfirliyi Kremlin təbliğatçısı Marqarita Simonyanı “heyvan” adlandıraraq, rusiyalı işğalçıların törətdikləri bütün hərbi cinayətləri ona xatırladıb.

Bu günlərdə rusiyalı təbliğatçı Marqarita Simonyan “nasist”lərin – etnik mənsubiyyətinə görə uşaqların gözlərini çıxarmağa hazır olduqlarını yazıb. ABŞ-ın Ukraynadakı səfirliyi Rusiya hərbçilərinin ukraynalı uşaqlara təcavüz edib öldürdüklərini, həmçinin törətdikləri başqa cinayətləri xatırlamasını məsləhət görüb.

Səfirliyin açıqlamasında deyilir: “Gəlin aydınlaşdıraq – fevralın 24-dən bəri Rusiya Ukraynada 550-dən artıq uşağı öldürüb, yaxud da yaralayıb. Rusiya hərbçiləri onları bombalayıb, atəşə tutub, təcavüzə məruz qoyub, güllələyib, zorla deportasiya edib. Heyvan güzgüdədir, Marqarita”.

Hürr Tərcüman

 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya