ABŞ bu ölkə vətəndaşlarına vizaların verilməsini dayandırdı

ABŞ Dövlət Departamenti bütün Əfqanıstan pasportu sahiblərinə vizaların verilməsini dayandırıb.

Hurriyyet.az xəbər verir ki, bu barədə ABŞ Dövlət katibi Marko Rubio X hesabında bildirib.

"ABŞ üçün öz ölkəmizin və xalqımızın təhlükəsizliyini təmin etməkdən daha vacib bir məsələ yoxdur", - Rubio qeyd edib.

O, qərarın Prezident Donald Tramp administrasiyası tərəfindən milli təhlükəsizlik məqsədilə qəbul edildiyini vurğulayıb.

Xatırladaq ki, noyabrın 26-da Vaşinqton şəhərində, Ağ Ev yaxınlığında Milli Qvardiya hərbçilərinə qarşı silahlı hücum baş vermişdi. Hücum zamanı iki hərbçi həyatını itirib. Hərbçilərə atəş açan şəxsin Əfqanıstan vətəndaşı Rahmanulla Lakanval olduğu məlum olub.

Axar.az