20 Yanvardakı mağazalar deputatlığa namizədin şok statusundan sonra bağlanıb - FOTOLAR

Bakı Metropoliteninin 20 Yanvar Stansiyasının yeraltı keçidlərində fəaliyyət göstərən mağazalar fəaliyyətini dayandırıb.

Bu gün səhər saatlarında mağazalar bağlı olub. Sahibkarların bildirdiyinə görə, qərar dünən axşam saatlarında verilib. Bildirilib ki, mağazaların hansı səbəbdən bağlanması bəlli deyil.

Musavat.com xəbər verir ki, mağazaların bağlanması tanınmış memar Elçin Əliyev sosial şəbəkədəki aşağıdakı postundan bir neçə saat sonraya təsadüf edib.

23 saylı Nəsimi-Səbayel seçki dairəsindən deputatlığa namizəd olan Elçin Əliyevin həmin postunu və postuna əlavə etdiyi fotoları təqdim edirik:

- Fikirləşirsiniz ki, mən «Gənclik» ticarət mərkəzindəyəm?

Yox, dostlar, bura «20 Yanvar» metro stansiyasının çıxışıdır. Vaxtilə geniş olan bütün keçidlər stansiyanın rəhbərləri tərəfindən alış-veriş köşkləri üçün satılıb. Təsəvvür edin, bir çox yerlərdə dəhlizin eninin yarısı (!) kiçik mağazalar tərəfindən bağlanıb.

Bəs, Allah eləməsin, yanğın və ya fəlakət olarsa? Nəticələrini aydın dərk edən bir memar kimi sadəcə dəhşətə gəlirəm! Sovet mütəxəssisləri müəyyən eni olan bu dəhlizləri digər şəhərlərdə və ölkələrdə yeraltı nəqliyyatın əvvəlki istismarının acınacaqlı faciəli təcrübəsi ilə yazılmış və düşünülmüş norma və qaydalar əsasında tərtib etmişdirlər. İndi isə sərnişinlərin sayı 50 il əvvəl nəzərdə tutulmuş layihə sənədlərdən qat-qat artıqdır - bu gün Bakıda əhalinin sayı sovet dövründəkindən iki dəfə çoxdur.

Bəs yeraltı fəlakət olsa, nə olar? Çoxsaylı quraşdırılmış pavilyonlar və tövlələr sadəcə olaraq insanların getməsinə imkan verməyəcək, dəhşətli bir əzilmə olacaq, insanlar həlak olacaq – yeraltı qəzadan yox, vaxtında stansiyanı tərk edə bilməməkdən.

Bu, vəzifəsi ilə bu barədə düşünməyə borclu olan hazırkı metro rəhbərlərini narahat edirmi? Xeyr, axır illər müşahidələrimə görə. Mənfəət daha vacibdir.

Bakı Metropopoliteninin mətbuat xidmətinin rəhbəri Bəxtiyar Məmmədov bildirib ki, 20 Yanvar və Cəfər Cabbarlı metro xəttindəki keçidlərdəki obyektlərin onlara heç bir aidiyyatı yoxdur.

Bakı Şəhər İcra Hakimiyyətindən də bildirilib ki, keçidlərdəki mağazaların onlara aidiyyatı yoxdur.

E.MƏMMƏDƏLIYEV,
Musavat.com