Tramp Qrenlandiya üzrə xüsusi nümayəndə təyin etdi və bunu "Çox vacib" adlandırdı

Hurriyyet.az xəbər verir ki, ABŞ Prezidenti Donald Tramp Luiziana qubernatoru Ceff Lendrini Qrenlandiya üzrə xüsusi nümayəndəsi təyin edib.

Truth Social hesabındakı paylaşımda Tramp Landrini yeni təyinatı münasibətilə təbrik etdi.

Postunda Tramp Qrenlandiyanın ABŞ milli təhlükəsizliyi üçün nə qədər vacib olduğunu başa düşdüyünü bildirərək dedi: "Ceff müttəfiqlərimizin və dünyanın təhlükəsizliyini təmin etmək üçün ABŞ maraqlarını güclü şəkildə müdafiə edəcək".

Seçildiyi və vəzifəyə başladığı vaxtdan bəri Tramp dəfələrlə Qrenlandiyanın ABŞ-ın nəzarəti altında olması lazım olduğunu bildirərək, adaya sahib olmağın və onu idarə etməyin "mütləq zərurət" olduğunu iddia edib.

Mart ayında Konqresə müraciətində Tramp bildirib ki, "Qrenlandiya milli təhlükəsizlik və hətta qlobal təhlükəsizlik üçün vacibdir. Biz bunu təmin etmək üçün bütün müvafiq tərəflərlə işləyirik”.

ABŞ Prezidenti Amerikanın Qrenlandiyaya sahib olmasının "azad dünyanı müdafiə etmək" üçün zəruri olduğunu bildirir.

Trampın açıqlamaları bir çox dairələrin, xüsusən də Qrenlandiya rəsmilərinin tənqidinə səbəb oldu.

Qrenlandiyanın o vaxtkı baş naziri Mute Bourup Egede bildirib ki, "Qrenlandiya Qrenlandiya xalqına məxsusdur. Biz satılmırıq və heç vaxt satılmayacağıq. Uzun müddətdir davam edən azadlıq mübarizəmizi itirməyəcəyik".

Danimarka Krallığının (Farer adaları) tərkibindəki iki muxtar bölgədən biri olan Qrenlandiya Danimarkadan 2900 kilometr məsafədə yerləşir.

NURAY