"Rusiya hərbçiləri öz postlarında diri-diri yanır..."- "ATEŞ" partizan hərəkatı

Xerson vilayətinin işğal olunmuş hissəsində yerləşdirilmiş Rusiya qoşunları itki verməkdə davam edir. Hətta bu günlərdə bəzi rus əsgərləri öz postlarında diri-diri yanıb.

Moderator.az "Fokus" nəşrinə istinadla xəbər verir ki, Ukraynanın əsasən Krım tatarlarından ibarət "ATEŞ" partizan hərəkatı məlumat yayıb. 

“Ruslar Xerson vilayətinin işğal olunmuş hissəsindəki mövqelərində yanır”, - məlumatda belə deyilir.

Partizanlar izah ediblər ki, bu informasiya onlara Rusiya Silahlı Qüvvələrinin bir neçə motoatıcı alayındakı agentlər tərəfindən təsdiqlənib.

“Tavriya günəşi və Ukrayna Müdafiə Qüvvələri buna dəstək verir”, - deyə  “ATEŞ” vurğulayıb.

S.Laçın