Rusiya 1003 Ukrayna əsgərinin qalıqlarını təhvil verdi - İstanbul müqaviləsi qüvvədədir

Hurriyyet.az xəbər verir ki, Rusiya ilə Ukrayna arasında müharibə davam edərkən tərəflər arasında qalıqların mübadiləsi aparılıb. Ukrayna Hərbi Əsirlərin Müalicəsinin Koordinasiyası Mərkəzi sosial media vasitəsilə Rusiyanın müharibədə həlak olan 1003 Ukrayna əsgərinin qalıqlarını təhvil verdiyini açıqlayıb.

Bəyanatda qalıqların müəyyənləşdirilməsinin mümkün qədər tez həyata keçiriləcəyi bildirilib. Mərkəz prosesin koordinasiyası zamanı müvafiq Ukrayna qurumları ilə sıx əməkdaşlığın davam etdirildiyini qeyd edib.

Rusiya Prezidenti Vladimir Putinin müşaviri və İstanbul danışıqlarında Rusiya nümayəndə heyətinin rəhbəri Vladimir Medinski də məsələ ilə bağlı şərh verib. Medinski bildirib ki, "İstanbul müqavilələrinə əsasən, 1003 əsgərin qalıqları Ukraynaya təhvil verilib, 26 əsgərin qalıqları isə Rusiyaya qaytarılıb".

NURAY