"Qəlb qırıb, ah almışam" - Rəqsanə səhvlərini etiraf etdi

Rəqsanə İsmayılova ilk dəfə həbsxanada yaşadıqlarından danışıb.

Hurriyyet.Az xəbər verir ki, o bu haqda "Çərçivədən kənar" verilişində söz açıb.

Rəqsanə başına gələnlərdə özünü günahkar bilib:

"Mənim indi işləməyə, pul qazanmağa çox ehtiyacım var. İllərlə Moskvada yaşamışam, işim-gücüm orada idi, amma artıq Bakıdayam. Çox şükür artıq burada da dəvətlər alıram. İşləyib bütün borcları bitirəcəyəm.

Mən Allahı unutmuşdum. O, məni həbsə saldı ki, mən ayılım. Mənim evim, işim, pulum, övladlarım var idi, amma Allahdan uzaqlaşmışdım. Həbsdə sadəcə Allahla danışdım. Bütün bu acılar məni Allahın hüzuruna gətirmək üçün idi. Artıq hər günümü Allaha səcdə edərək keçirdirəm. Qurani-Kərimi və onunla yanaşı 300-ə yaxın kitab oxuyub bitirmişəm.

Elə səhvlər var ki, onları etməməli idim. Haradasa, kiminsə qəlbini qırmışam, etdiyim yaxşılıqları başa vurmuşam. Bunu etmək olmazdı. Mən qəlb qırmışam, ah almışam. Bu çox pis şey imiş".\\Azxeber