Paşinyan İlham Əliyevlə danışıqların nəticələrindən məmnun olduğunu bildirib

Hurriyyet.az TASS informasiya agentliyinə istinadla xəbər verir ki, Ermənistanın Baş naziri Nikol Paşinyan Azərbaycan Prezidenti İlham Əliyevlə təmaslardan və danışıqlarının nəticələrindən məmnun olduğunu bildirib.
Paşinyan hökumətin iclasından sonra keçirilən brifinqdə deyib: "Mən Kopenhagendəki görüşümüzdən və ümumilikdə təmaslarımızın nəticələrindən məmnunam. Sülhə gedən yolun institutlaşdırılmasından da məmnunam. Hörmətli həmkarlar, sülh faktdır".
Bəlli olduğu kimi, oktyabrın 2-də Prezident İlham Əliyev ilə Baş nazir Nikol Paşinyan Kopenhagendə Avropa Siyasi Birliyinin Sammiti çərçivəsində görüşüblər.
Hürr Tərcüman