Azərbaycanın ehtiyatda olan hərbçisi, kapitan Həsənov Qafur Cəmaləddin oğlu Ukrayna müharibəsində həlak olub.
Hurriyyet.az xəbər verir ki, bu barədə onun yaxınları məlumat verib.
Bildirilib ki, Q.Həsənov 44 günlük Vətən müharibəsində Goranboy briqadasının tibb xidmət rəisi kimi xidmət edib.
O, müharibədə göstərdiyi qəhrəmanlıqlara görə Prezident İlham Əliyevin sərəncamı ilə “Azərbaycan bayrağı” ordeni və “Vətən uğrunda” medalı ilə təltif edilib.
Q.Həsənov Azərbaycan Ordusundan ehtiyyata buraxılandan sonra, Rusiya getmiş, Rusiya Silahlı Qüvvələrinin tərkibində Ukraynada gedən müharibədə döyüşüb.
Yaxınları Qafur Həsənovu qorxmaz, mərd və igid insan kimi xatırlayırlar.
“Qafur həkimi şəxsən tanıyırdım, canavar kimi oğlan idi, gözündə qorxu olmayan bir qəhrəman idi”, - hərbi bloger Tofiq Şahmuradov bildirib. (Yenisabah.az)
