Anklavdan son İsrail əsgəri çıxmayınca... - HƏMAS

Girovların azad edilməsi İsrail qoşunlarının Qəzzadan çıxarılması ilə bağlıdır.

Bunu HƏMAS-ın Misirdə İsraillə dolayı danışıqlarda olan nümayəndə heyəti bildirib.

“Sonuncu girov anklavdan son İsrail əsgərinin çıxarılması ilə eyni vaxtda azad ediləcək".

Məlumatda bildirilib ki, Fələstin tərəfi müharibənin son nəticəsinə dair beynəlxalq zəmanətə sahib olmaq istəyir.

Mənbənin məlumatına görə, Şarm Əl-Şeyxdəki məsləhətləşmənin ikinci günü qoşunların çıxarılması yol xəritələrinə və girovların azad edilməsi cədvəlinə həsr olunub. \\Bakupost.az