Rusiya Çerniqovu vurdu - ölənlər və yaralananlar var

Hurriyyet.az "Ukrainskaya pravda" nəşrinə istinadla xəbər verir ki, Rusiyanın Ukraynanın Çerniqov şəhərinə zərbə endirməsi nəticəsində 10 nəfər sakin həlak olub, 20 nəfər yaralanıb.
Ukrayna Prezidenti Vladimir Zelenski bununla bağlı "Teleqram" səhifəsində yazıb: "Çerniqov. Rusiyanın raket zərbəsindən sonra xilasetmə əməliyyatı davam edir. İnsanlar dağıntılar altındadırlar. İndiyə qədər 20 nəfərin yaralandığı və 10 nəfərin həlak olduğu bəllidir. Yaxınlarına və doğmalarına başsağlığı veririk.
Təəssüf ki, həlak olanların sayı arta bilər. Ukraynaya kifayət qədər HHM vasitələri verilsəydi və dünya Rusiya terroruna qarşı yetərincə qətiyyətli olsaydı, bu baş verməyəcəkdi".
Hürr Tərcüman